50 жыл бойы оқу-білім саласында ұстаз болып жұмыс істеген Жалғасованың қалыптасқан өзіндік педагогикалық үлгі дәстүрі, мектебі бар. Оқушыларға сабақ берудің үздік методикалық тәжірибесі мен оларға сыныптан тыс тәрбие берудің белгілі бір жүйесі басқаларға үлгі-өнеге. Бұл жұмыстарды ұйымдастыруда көрнекілік, педагогика ғылымы саласындағы соңғы жетістіктерді ұстаз Р.Ж.Жалғасова. ұтымды пайдалана білді. Осыдан да болар оқушы-қауымның ана тіліне, әдебиетіне деген қызығушылығын әр сабақтан байқау қиын емес.

Ұстаз Р.Ж.Жалғасова қалалық мұғалімдер жетілдіру институтының семинарында талай ашық сабақтар беріп, өз тәжірибесін ортаға салып, әріптестерімен пікір алмасуды дәстүрге айналдырған. Мектеп оқушыларын тәрбиелеудің маңызды мәселелерімен мектеп директорларының республикалық семинарларында, ата-аналар алдында лекциялар оқып кездесу өткізуде оның жұмыс кестесінен түскен емес.

«Алматы ақшамы» газеті ұйымдастырған үлкен пікір-алмасу бетінде де Р.Ж.Жалғасова ұстаз, тәрбиеші, методист-мұғалім ретінде де өзін көрсете білді. Р.Ж.Жалғасованың оқу-тәрбие жұмысына арналған республикалық басылымдарда біраз еңбектері жарық көрді.

Ғ.Мүсіреповтың романы бойынша «Жаңа достар» атты диафильм жазды. «Жастарға тәрбие беруде халықтық педагогиканың рөлі» атты жинағы, «Практикалық қазақ тілі» атты көмекші оқу құралы, оқулық орыс тілінде жүретін бөлімдерге арналған.

«Ұстаздық еткен жалықпас», «Қияға қызықтырып жетеледің...» атты жазған еңбектерінің жинағы мен «Өмір белестері» атты еңбегі баспадан жарық көрді.